АЛМАТЫ, 3 қыркүйек – Sputnik. Әнші Әли Оқаповтың жары болған Ақерке Бүркітбайдың ұзату тойын ұйымдастырғандарға 41 мың теңге айыппұл салынды. Бұл туралы Атырау облысы тауарлар мен көрсетілетін қызметтердің сапасы мен қауіпсіздігін бақылау департаментінің баспасөз қызметі хабарлады.
Департаменттің хабарлауынша, 2020 жылдың 19 тамызында Атырау қаласының тұрғыны облыстың бас санитар дәрігерінің отбасылық шараларды өткізуге тыйым салған қаулысын бұзып, туған-туысын үйіне жинап, шара өткізгені анықталған.
"Той иесіне Қазақстан Республикасының Әкімшілік құқықбұзушылық кодексінің 425-бабы 1-бөлігіне сәйкес, жеке тұлғаға әкімшілік хаттама толтырылып, 15 АЕК көлемінде (41 670 теңге) айыппұл салынды", - деді департаменттің баспасөз қызметі.
Айта кетейік, Қазақстанның халық әртісі Роза Рымбаеваның үлкен ұлы Әли Оқапов атыраулық Ақерке Бүркітбайға үйленді.
Посмотреть эту публикацию в Instagram
"Асыл" тобының әншісі Бүркітбайдың ұзату тойы 19 тамызда Атырауда өтті. Ал Роза Рымбаева екі жастың тойы карантин 100% аяқталғаннан кейін өтетінін айтты.
