Қоғам

Нұр-Сұлтандағы Израиль елшілігі қоршауға алынды

© Sputnik / Владимир Астапкович / Медиабанкке өтуФлаг Израиля. Архивное фото
Флаг Израиля. Архивное фото - Sputnik Қазақстан
Жазылу
НовостиTelegram
Жеткізілген қаптар жопарланған салмақтан жеті килограмға ауыр болғандықтан, елшілік қызметкерлері дабыл қақты

НҰР-СҰЛТАН, 2 қыркүйек – Sputnik. Пошта арқылы жеткізілген екі қап күдік тудырғандықтан, Нұр-Сұлтандағы Израиль елшілігі қоршауға алынды.

Оқиға орнына полиция департаментінің жедел тергеу тобы, кинологтар мен қалалық шұғыл қызметтер келді.  

"Бүгін Израиль елшілігі пошта арқылы күдікті белгілері бар екі қап алынғанын "102" арнасына хабарлады. Тель-Авивтен Алматы арқылы жеткізілген сәлемдеме жоспардағыдан жеті килограмға ауыр болып шықты. Полиция қызметкерлері Израиль елшілігі орналасқан "Азия" бизнес орталығының аумағын қоршауға алды", - деп хабарлады полиция департаментінің баспасөз қызметі.

Полиция қызметтік иттердің көмегімен ғимарат пен оның маңын қарап шықты. Қаптардан қауіпті заттар табылмады, оларға жеке заттар салынғаны белгілі болды.

Оқи отырыңыз: Алматыдағы ірі сауда орталығынан адамдар эвакуацияланды - полиция ақпарат берді 

Бұған дейін, 27 тамызда белгісіз біреулер Семей қаласының әкімдігіне жарылғыш зат қойылғанын хабарлаған болатын. Мекеменің 170-тен астам қызметкері эвакуацияланды, саперлар мен кинологтар келді. Sputnik Қазақстан полициядан әкімдік ғимаратына жарылғыш зат қойылғаны туралы ақпарат расталмағанын білді.  

Жаңалықтар
0