Әлем

"Спутник V" вакцинасын Қазақстан үшін ресейлік қордың халықаралық серіктесі өндіреді

© REUTERS / THE RUSSIAN DIRECT INVESTMENT FUРоссийская вакцина от коронавируса "Спутник V"
Российская вакцина от коронавируса Спутник V - Sputnik Қазақстан
Жазылу
Коронавирусқа қарсы вакцинаны Н.Ф. Гамалея атындағы Ресей эпидемиология және микробиология ұлттық зерттеу орталығы жасады

НҰР-СҰЛТАН, 26 тамыз – Sputnik. Қазақстанға жеткізуге арналған вакцинаны Ресейдің тікелей инвестициялар қорының халықаралық серіктестерінің бірі шығарады. Бұл туралы Sputnik Қазақстанға қордың баспасөз қызметі хабарлады.

Бұған дейін Ресей Федерациясының тәуелсіз қоры мен қазақстандық "СК-Фармация" компаниясы ресейлік "Спутник V" вакцинасын Қазақстанға жеткізу туралы келісім жасағаны хабарланған болатын.   

"Қазақстанға жеткізілетін вакциналар партиясын Ресей тікелей инвестициялар қорының халықаралық серіктестерінің бірі шығарады деп жоспарлануда", - делінген ресми хабарламада.

Оқи отырыңыз: Қазақстан мен Ресей коронавирусқа қарсы вакцинаны жеткізу туралы келісімге қол қойды 

Естеріңізге сала кетейік, 11 тамызда Н.Ф. Гамалея атындағы Ресей эпидемиология және микробиология ұлттық зерттеу орталығы шығарған "Спутник V" вакцинасы әлемде алғаш тіркелген коронавирусқа қарсы вакцина атана отырып, Ресей денсаулық сақтау министрлігінің тіркеу куәлігін алды.

"Спутник V" вакцинасы туралы толық ақпаратты sputnikvaccine.com ресми сайтынан алуға болады.

Жаңалықтар
0