АҚШ мамандарының СУ-57 жойғышына қатысты тұрақты назар аударуы олардың "Сухойдың" барлық құпиясын ашуға деген құлшынысы деп бағалауға болады. Әскери тақырыпта жазатын америкалық басылымдар СУ-57 жойғышына "наразылық" білдіріп отыр. Соның бірі аталған жойғыштың жауынгерлік артықшылығы.
Америкалық The Drive басылымы Су-57 жойғышын дайындау сапасы жақсарып келе жатқанын жазды. Аталған басылым "Сухойдың" корпорация жариялаған суретінің әрбір бөлігіне дейін сипаттап жазған. Соның ішінде, тұмсық тұсында орналасқан инфрақызыл бағыттау жүйесіне (101КС-В) ерекше назар аударылған. Америкалықтардың қорқынышты болжамы ақиқатқа айналуда: Су-57 тұрақты жетілдірілуде. Алайда, The Drive авторларының пікірінше, ол "әлдеқайда сұрапыл, бірақ мейлінше аз желілік әуе соғысының доктринасына бейімделген мүмкіндіктердің үйлесін тапқан аппарат". Ол "қарсыластың ең жоғары технологиялық қаруын істен шығаруға қауқарлы".
Су-57 – көп функциялы бесінші буын жойғышы. Ол құрлықта әрі әуедегі әлеуетті қарсыластың барлық түрдегі нысандарын жоюға, әуедегі шабуылға қарсы қорғаныс құралдарынан кедергісіз өтуге, орналасқан нүктеден қашықтықта әуе кеңістігіне мониторинг жүргізуге, қарсылас авиациясы әрекеттерін басқару жүйесін талқандауға арналған.
Бұл қуатты соғыс кешенінің құрамына он беске жуық "әуе-әуе" және "әуе-жер үсті" жаңа авиациялық жою құралдары еніп отыр. Сондай-ақ, 250 шақырымға дейінгі қашықтықты еңсеретін кемеге қарсы зымырандар мен "Кинжал" жүйесі де қамтылған.
Су жаңа жойғыш технологиялық басымдықтың жоғары деңгейіне жетті және Сирия аумағындағы соғыс жағдайында тексеруден өтті. Ресей қорғаныс министрлігінің бірінші топтамада бір-екі емес, бүтіндей 76 сериялы Су-57 жойғышына тапсырыс бергені де кездейсоқ емес.
Мінсіздік үлгісі
Бұған дейін The Drive басылымы Су-57-нің бірнеше технологиялық ерекшеліктеріне тоқталған болатын.
"Шеткі радио-локациялық станция" Су-57-ге нысанды іздеу кезінде жоғары дербестікке ие болуға, өз бортындағы зымырандарға нысанды нұсқау тиімділігін төмендетпестен, қарсылас радарының назарына түспеудің жаңа деңгейіне жетуге мүмкіндік береді.
Су-57 жойғышы үш метрлік тартылыс векторына ие. Ол әуеде адам сенгісіз маневрлер жасауға мүмкіндік береді. Мұндай сипаттама бесінші буын ұшақтарының ешқайсысында жоқ екенін еске салу керек. Егер таяу немесе алыстағы соғыс кезінде қару-жарақ қоры таусылып қалса, "Сухойдың" жылдамдығы мен маневрлілігі соғыста аман қалудың сенімді кепіліне айналады.
Сонымен қатар, Су-57-нің берік шассиі мен үлкен шиналары, шашыратқыштарының болуы оған деген құрметті арттырып қана қоймай, "жол талғамайтын" сипатын аша түседі. Мұндай бесінші буын жойғыштары "сыпырғыш машинасын" қажет етпей, топырақты аэродромдар жолағына қона алады. Су-57-нің көмекші күш қондырғысы орналасудың жоғары дербестігін, жерүстіндегі әрекетте жанармай шығынының төмендігін, маршты қозғалтқыштар ресурсының үнемделуін қамтамасыз етеді.
Әлдеқайда осылдау америкалық F-22 мен F-35 ұшақтарын пайдалану үшін "өркениетке сай" аэродромдар қажет. Ал Румыния немесе Польшада аэродромдар салу америкалықтар үшін қымбатқа түседі.
Сондай-ақ, "Гималаи" атты радио электронды шабуылға қарсы күрес кешені де қарсыласқа шаң қаптырмақ. Ол әлеуетті қарсыластың бесінші буын ұшақтарын төртінші буын ұшақтарына айналдыруға, яғни F-35 пен F-22-ні көзге түсетіндей етіп әшкерелеп, оларды "қарусыздандыра" алады.
Эволюция мен революция
18 тамызда Military Watch Magazine америкалық басылымы былай деп хабарлады: "Ресей өздерінің Ту-22М3М тактикалық бомбалаушыларын жетілдіру үшін Су-57 жаңа технологияларын қолдана бастады". Атап көрсетілгендей, Су-57 "келешек буын технологияларының кең спектрін біріктіреді, ол датчик жинағынан радиоэлектронды және лазерлік шабуылға қарсы әрекет ету жүйесін қамтып отыр". Олар соғыс ұшақтарының басқа түрлеріне біріктіріліп, әуе кемелерін мүмкіндіктердің жаңа сатысына шығара алады.
Америкалықтар әзірше Су-57-нің басты және стратегиялық артықшылықтарын талқылап отырған жоқ. Алайда, қытайлық мамандар әскери басқару жүйесіне кіріктірілген жасанды интеллектінің басымдықтарына зер салып үлгерді (https://inosmi.ru/military/20190919/245847327.html). Бұл әскер ісіндегі нағыз революция болмақ: ресейлік Су-57 автоматты режимде алға қойған міндеттердің 90%-ін өзі орындай алатын болады және алдын ала дайындалған бағдарлама бойынша автоматты түрде әрекет ете алады. Егер ұшқыш соғыс кезінде жарақат алса немесе қаза тапса, басқару жүйесі негізгі және қосалқы мақсаттарды анықтап, бағдарды белгілеп, соққы жасайды және ұшақты базаға қайтарады.
Бұған дейін атап өткеніміздей, Су-35 жойғыштарымен өзара әрекеттесу ықтималдылығы жайлы айтқанбыз. Алайда, Су-57-нің жасанды интеллектісі "Охотник" ұшқышсыз ұшу аппаратымен бірлесе жұмыс жасауы мүмкін екені де айтылды. Сондықтан, мұндай "жасанды ақыл" орналастырылған қуатты әрі технология тұрғысынан болжап болмайтын машиналар F-22 Raptor секілді машиналарға еш мүмкіндік қалдырмай жеңетіні анық.
Айта кету керек, қазір ресейлік "МиГ" және "Сухой" ықпалдастықта алтыншы буын жойғышын әзірлеп жатыр.
