Қоғам

Телефон жұмысын жақсарту үшін қандай қосымшаларды жою керек

© AP Photo / Richard Drew Новые смартфоны Google Pixel 3
 Новые смартфоны Google Pixel 3 - Sputnik Қазақстан
Жазылу
Сарапшы ескі, арзан телефон жылдам жұмыс істеуі үшін екі жол ұсынып отыр. Ол қандай қосымшалар телефон жадын толтыратынын айтты

НҰР-СҰЛТАН, 19 тамыз – Sputnik. Қажет емес әрі көп орын алатын қосымшаларды жою телефон жұмысын жақсартуға көмектеседі. Телефонның жұмыс үстеліндегі сағат, ауа райы, жаңалықтар да құрылғы жұмысын бәсеңдетеді. 

"Әсіресе, ескі смартфондар баяу жұмыс істейді. Бұл iOS құрылғыларына да, Android-қа да қатысты. Сондай-ақ, Android Go операциялық жүйесі орнатылған заманауи, бірақ арзан телефондардың жұмысы баяу болады", - деп жазады "Прайм" сарапшыға сілтеме жасап.

Ол ескі, арзан телефон жылдам жұмыс істеуі үшін екі жол ұсынып отыр. Біріншісі - жүйе баптауын өзгерту. Ал екіншісі - керек емес қосымшаларды жою немесе барынша аз орын алатын баламасын жүктеу.

Сарапшының айтуынша, ең алдымен, Facebook және YouTube сынды, шын мәнінде, ауыр қосымшаларға мән беру керек. Мәселен, бұл қосымшалардың Android операциялық жүйесіне арналған Facebook lite, Google Maps Go сынды жеңілдетілген түрлері бар.

Сондай-ақ, сайттың немесе веб-браузердің жеңіл мобильдік түрін қолдануға болады. Қосымша телефон жұмысына кедергі жасаса, мүлдем жоюға болатыны айтылып отыр.

Маман телефон жадындағы бос орынды тексеруге кеңес берді. Егер 1 гигабайттан аз ғана орын болса, телефон жұмысы бәсеңкеп қалады. 

Ал операциялық жүйенің жаңартылған түрін орнату көп жағдайда көмектеспейді, кейде, керісінше, жағдайды ушықтыруы мүмкін.

Жаңалықтар
0