НҰР-СҰЛТАН, 15 тамыз – Sputnik. Бірнеше күннен бері ауруханада комада жатқан ресейлік әнші Валентина Легкоступова қайтыс болды.
"Бүгін сағат 15:30-да үлгілі қыз, әлемдегі ең керемет ана және әже бола білген адамнан айырылып қалдық...", - деп жазды Анетта Бриль Instagram-да.
Айта кетсек, 11 тамызда Валентина Легкоступова өз пәтерінен басы жарылған күйде табылды. Ол ауруханаға жеткізілді, әнші бірнеше күн бойы комада жатты. Кейбір деректерге сүйенсек, оның күйеуі Юрий Фирсов Валентинамен пәтерде бірге болған, бірақ кейін қашып кетіпті. Әншінің денесінде көгерген іздер болған.
Валентина Легкоступованың өмірбаяны
Валентина Легкоступова 1965 жылы Хабаровскіде туған. 1985 жылы Чайковский атындағы Симферополь музыкалық училищесін скрипка класы бойынша бітірген.
1985-1990 жылдары Мәскеуде Гнесин атындағы мемлекеттік музыкалық-педагогикалық институтында профессор Иосиф Кобзонның эстрадалық вокал бөлімшесінде оқиды.
Легкоступова 1985 жылы сахнаға аяқ басып, Сеня Сон жетекшілік еткен топтың құрамында өнер көрсете бастайды.
1987 жылы ең танымал "Ягода-малина" әнін жазады.
2014 жылы Легкоступова Испаниядағы Тенерифе аралына көшіп кетеді. 2018 жылы Феодосия қаласына оралып, қалалық мәдениет бөліміне басшылық еткен.
