ПАВЛОДАР, 31 шілде – Sputnik. Павлодар әкімдігі блок бекеттерге байланысты әлеуметтік желілерде тарап кеткен ақпаратты жоққа шығарды.
"Желіде Павлодар облысы бас санитар дәрігері орынбасарының 29 шілдедегі қаулысына сәйкес, құрбандық малын қалаға кіргізуге жол бермеу үшін кіреберісте блок бекеттер орнатылады деген ақпарат тарады. Тек онлайн-құрбандыққа арналған мал ғана кіргізілетіні айтылған. Бұл ақпарат шындыққа жанаспайды. Блок бекеттер орнатылмайды" - делінген Павлодар әкімдігі таратқан ақпаратта.
Бас санитар дәрігердің қаулысында коронавирустың таралуын болдырмау үшін Құрбан айтта адам көп жиналатын шараларға тыйым салынғаны айтылған болатын. Құжатта мал сою, үйлер мен көлікте құрбандық малын сатуға тыйым салу қарастырылған.
Тағы оқыңыз: "Мән-мағынасы осында": Тоқаев қазақстандықтарға үндеу жасады
Айта кетсек, Алматыда құрбандыққа шалынатын малды қалаға кіргізуге тосқауыл болу үшін блок бекеттер орнатылған болатын.
