НҰР-СҰЛТАН, 24 шілде – Sputnik. Ауыр салмақтағы бұрынғы әлем чемпионы Майк Тайсон Калифорниядағы Карсонда 12 қыркүйек күні әлемнің экс-чемпионы Рой Джонспен кездеседі.
Көптен күткен жекпе-жектің трансляциясы Triller әлеуметтік желісінде қол жетімді болады. Жекпе-жектің өзі көрме сипатында ұйымдастырылып, одан жиналған қаражат қайырымдылыққа жіберіледі.
I. AM. BACK. #legendsonlyleague. September 12th vs @RealRoyJonesJr on #Triller and PPV #frontlinebattle @TysonLeague pic.twitter.com/eksSfdjDzK
— Mike Tyson (@MikeTyson) July 23, 2020
2020 жылдың сәуір айының соңында 54 жастағы Тайсон қайырымдылық турнир үшін кәсіпқой рингке қайта оралғысы келетінін мәлімдеген. Аты аңызға айналған боксшы өзінің соңғы жекпе-жегін 2005 жылы Кевин Макбрайдқа қарсы өткізіп, жеңілген. Жалпы Тайсон 58 жекпе-жегінің 50-ін жеңіспен аяқтаған.
Оқи отырыңыз: Майк Тайсон бокс тарихындағы ең ұлы боксшыны атады
Ал Рой Джонстың соңғы жекпе-жегін 2018 жылдың ақпанында Скотт Сигмонмен өткізіп, төрешілер шешімімен жеңіліс тапқан. Ол өз мансабындағы 77 кездесудің 66-сында жеңіске жеткен (47 нокаут). Джонсқа ауыр салмақтағы бұрынғы әлем чемпионымен кездесу туралы ұсыныс түскенде, ол бірден келісім берген.
