Қоғам

Тоқаев мораторий жарияланған Жер кодексі туралы: Бұл мәселеге енді оралмаймыз

© Sputnik / Ксения ВоронинаПоезд, архивное фото
Поезд, архивное фото - Sputnik Қазақстан
Жазылу
НовостиTelegram
Мемлекет басшысы Жер кодексінің жекелеген нормаларына жарияланған мораторий жөнінде түпкілікті шешім қабылданатынын жеткізді 

НҰР-СҰЛТАН, 10 шілде – Sputnik. Қазақстан президенті Қасым-Жомарт Тоқаев Жер кодексінің жекелеген нормаларына қатысты түпкілікті шешім қабылдауды тапсырды, деп хабарлайды Sputnik Қазақстан тілшісі.

Президент 2021 жылы Жер кодексінің жекелеген нормаларына жарияланған мораторий аяқталатынын еске салды.

"Осыған байланысты бұл мәселе жөнінде түпкілікті шешім қабылдауымыз керек. Негізгі мәселені айқындап алдық. Жер шетелдіктерге сатылмайды. Бұл мәселеге енді оралмаймыз", - деді Тоқаев үкіметтің кеңейтілген отырысында.

Ол игерілмеген жерлерді анықтап, оны алып қою мақсатында ғарыштан мониторинг жасау заңнамалық тұрғыдан бекітілгенін атап өтті.

Оқи отырыңыз: Күршім әкімі жер сатылып жатыр деген ақпаратқа қатысты мәлімдеме жасады 

Айтуынша, түгендеу барысында анықталған игерілмеген 12,8 миллион гектар жердің 7 миллионы мемлекетке қайтарылды.

"Жерді алдың ба, оны игеру керек", - деді мемлекет басшысы.

Бұдан бөлек, президент күзгі егін жинау науқанына қазірден бастап дайындалу қажеттігін айтты.

Жаңалықтар
0