НҰР-СҰЛТАН, 8 шілде – Sputnik. Түркістан облысында соңғы бір аптаның ішінде 360 адам коронавирус індетіне шалдыққан. Бұл туралы өңір басшысы Өмірзақ Шөкеев төрағалық еткен отырыста белгілі болды.
Соңғы мәліметке сәйкес, аталған індетпен тіркелгендер саны 2 мыңнан асты. Коронавирустан 33 адам көз жұмды, деп хабарлады облыс әкімінің баспасөз қызметі.
Оқи отырыңыз: Желіге видео салып, елді шулатқан түркістандық дәрігердің қызметі өсті
Шөкеев Түркістан облысының аумағында 5-20 шілде аралығында енгізілген карантиндік шектеу шараларын қатаң сақтау қажеттігін ескертті. Осыған орай, барлық аудан, қала әкімдері, басқарма басшылары мен тиісті мемлекеттік органдар шектеу шараларына сәйкес жұмыс атқаруы тиіс.
