Қоғам

Ғылыми дәрежесі жоқ ІТ мамандарға университетте сабақ беруге рұқсат етіледі

© Sputnik / Алексей Мальгавко / Фотобанкке өтуСтуденты на лекции
Студенты на лекции - Sputnik Қазақстан
Жазылу
Yandex newsTelegram
Министрдің айтуынша, қазір жоғары оқу орындарында ІТ мамандығы бойынша 51 мыңнан астам студент білім алады

НҰР-СҰЛТАН, 30 маусым – Sputnik. Осы жылдың қыркүйегінен бастап ғылыми дәрежесі жоқ ІТ мамандар жоғары оқу орындарында сабақ бере алады. Бұл туралы білім және ғылым министрі Асхат Аймағамбетов мәлімдеді, деп хабарлайды Sputnik Қазақстан тілшісі.

Қыркүйек айынан бастап бірнеше өзгеріс енгізгелі отырғанын айтқан министр, бұдан былай тек штатта ғана жұмыс істеу керек деген талап жойылғанын, соның нәтижесінде өндірістегі мамандарды тартуға мүмкіндік пайда болғанын атап өтті.

"Биыл ғылыми дәрежеге қатысты талаптар да жұмсартылды. Енді өндірісте жұмыс істеп, тәжірибе жинаған, білікті ІТ саласының мамандары университеттерде сабақ бере алады", - деді Аймағамбетов үкімет отырысында.

Айтуынша, қазір жоғары оқу орындарында ІТ мамандығы бойынша 51 мыңнан астам студент білім алады. Жыл сайын мемлекеттік тапсырыс көлемі ұлғаюда.

Оқи отырыңыз: "Кедей мемлекеттің кедей мұғалімімін" деген ұстаз кешірім сұрады – видео

Сонымен қатар, биыл жаңа оқу жылынан бастап цифрлық сала үшін мамандар даярлауды жүзеге асыратын жетекші колледждердің базасында 31 жаңа мамандық пен бағдарлама енгізіледі.

Жаңалықтар
0