Қоғам

Журналистердің кәсіби мерекесі: президент сыйлығы мен грантына кімдер ие болды

© Sputnik / Владислав ВодневДиктофоны (для заставочного фото)
Диктофоны (для заставочного фото) - Sputnik Қазақстан
Жазылу
НовостиTelegram
Мемлекет басшысы атынан табысталатын наградалар бұқаралық ақпарат құралдарының кәсіби мерекесіне орайластырылған

НҰР-СҰЛТАН, 27 маусым – Sputnik. Ақорда Қазақстан президенті атынан сыйлық пен награда алған журналистердің есімін жариялады. 

Елдің әлеуметтік-экономикалық және қоғамдық-саяси дамуындағы БАҚ-тың рөлі маңызды екені аталып өткен.

Президенттің бұқаралық ақпарат құралдары саласындағы сыйлықтары:

  • Қуатов Дәурен Қасенұлына – "Қазақ әдебиеті" газетінің бас редакторына, мемлекет басшысының қызметін белсенді әрі жан-жақты түсіндіріп, жариялап-көрсеткені үшін;
  • Қыдырәлі Дархан Қуандықұлына – "Егемен Қазақстан" республикалық газеті" АҚ басқарма төрағасына, қазақтілді бұқаралық ақпарат баспасөз құралдарының дамуына қосқан елеулі үлесі үшін;
  • Сарыбай Серік Әбікенұлына – "Жетісу" телеарнасының директорына, Қазақстан журналистикасының және ұлттық бұқаралық ақпарат құралдарының дамуына қосқан елеулі үлесі үшін;
  • Трухачев Александр Владимировичке – "Хабар" телеарнасының талдамалық бағдарламалар бөлімінің шеф-редакторына, отандық тележурналистиканың дамуына қосқан үлесі үшін беріледі.

Президенттің бұқаралық ақпарат құралдары саласындағы гранттары:

  • Әшім Альбинаға – QAZAQSTAN ұлттық телеарнасының тілшісіне, қазақстандық телевизияның дамуына қосқан үлесі үшін;
  • Мадиярова Мақпал Бақытбекқызына – "Хабар" телеарнасы  талдамалық бағдарламалар бөлімінің тілшісіне, Қазақстан дамуының өзекті мәселелерін жариялап-көрсеткен ақпараттық-талдамалық қызметі үшін;
  • Нұрышева Маржан Еркімбекқызына – Semei телеарнасының редактор-тележүргізушісіне, Қазақстанның өңірлік саясатын тиімді ақпараттық сүйемелдеуге қосқан үлесі үшін;
  • Смайлов Жандос Мейірбекұлына – "Азаттық рухы" ақпарат агенттігінің шығарушы редакторына, интернет-кеңістікте ақпаратты жариялап-көрсетуді ілгерілетуге қосқан үлесі үшін тапсырылады.

Сондай-ақ, президенттің бұқаралық ақпарат құралдары саласындағы Алғысы"Ана тілі" газеті, "Қазақпарат" халықаралық ақпарат агенттігі, "Казахстанская правда" республикалық газеті және QAZAQSTAN ұлттық телеарнасының Маңғыстау облыстық филиалының шығармашылық ұжымына берілді.

Мемлекет басшысы өзінің Twitter-дегі парақшасында БАҚ өкілдерін кәсіби мерекемен құттықтаған болатын. 

​Айта кетсек, өткен жылдың маусым айында Тоқаев БАҚ-тың жеке кәсіби мерекесін бекітуді тапсырған болатын. Енді 28 маусым күні байланыс және ақпарат саласы қызметкерлерінің мерекесі емес, жеке БАҚ өкілдерінің мерекесі ретінде аталып өтеді.

Жаңалықтар
0