НҰР-СҰЛТАН, 21 маусым – Sputnik. Нұр-Сұлтан қаласында ондаған дезинфектор, оның ішінде әскерилер және өрт сөндірушілер тағы бір ауқымды дезинфекция жүргізіп жатыр, деп хабарлайды елорда әкімдігінің ресми сайты.
Алдымен адам көп жиналатын, инфекцияның таралу ошағы болуы мүмкін орындар өңделеді: саябақтар, алаңдар, аялдамалар, автобустар, қоғамдық орындар және т.б.
Сондай-ақ, қаланың санитарлық дәрігерінің бұйрығына сәйкес, сауда орталығы, базарлар және басқа да қоғамдық орындарда дезинфекция жүргізіледі.
Тағы оқыңыз: "Алып кет": бас дәрігер Ақтөбе ауруханасында түсірілген атышулы видеоға түсініктеме берді
Еске салсақ, 20-21 маусымда қаланың тұрмыс-тіршілігін қамтамасыз ететін нысандарды, дәріханалар мен үй жанындағы азық-түлік дүкендерін қоспағанда, қоғамдық көліктер мен барлық кәсіпорынның жұмысы тоқтатылды.
Барлық қоғамдық орын жабық: саябақтар, алаңдар, жағалаулар, жағажайлар және басқа да халық көп жиналатын орындар.
Қалада демалыс күндері тұрғындардың жүріп-тұруы шектелген, тек өз автокөлігімен жұмыс орнына дейін (жұмыстан анықтамасы болуы тиіс) баруға, жақын маңдағы дәріханалар мен азық-түлік дүкендеріне шығуға, медициналық қызмет алуға ғана рұқсат етіледі.
