Оқиға

Түркістан облысында үш бала тауда адасып кетті, біреуі жардан құлаған

© Sputnik / Tomas Tkhaitsuk / Фотобанкке өтуТаудағы туристер, архивтегі сурет
Таудағы туристер, архивтегі сурет - Sputnik Қазақстан
Жазылу
Yandex newsTelegram
15 маусым күні үш ересек және 22 оқушы тау бөктеріне демалуға шыққан, қайтар жолда үш бала адасып кетті

НҰР-СҰЛТАН, 16 маусым – Sputnik. Түркістан облысында тауда үш оқушы жоғалып кетті, біреуі жардан құлап көз жұмды. Қалған екеуін құтқару жұмыстары жүргізіліп жатыр, деп хабарлайды Sputnik Қазақстан төтенше жағдайлар комитетінің баспасөз қызметіне сілтеме жасап.

Қайғылы оқиға Түркістан облысы Төле би ауданы Біркөлік ауылынан 5 шақырым жердегі "Біркөлік" демалыс аймағында болды.

15 маусым күндіз үш ересек және 22 оқушы тау бөктеріне демалуға шыққан. Қайтар жолда үш оқушы адасып кетті.

© Photo : Пресс-служба комитета по чрезвычайным ситуациямТүркістан облысында құтқарушылар тауда адасып кеткен оқушыларды іздеуге жұмылдырылды
Түркістан облысында үш бала тауда адасып кетті, біреуі жардан құлаған - Sputnik Қазақстан
Түркістан облысында құтқарушылар тауда адасып кеткен оқушыларды іздеуге жұмылдырылды

Түнгі сағат 22:48-де таудан түскен соң, тәрбиеші бірден "112" нөміріне хабарласқан. Көп ұзамай, он екі минуттан кейін, іздеу-құтқару жұмыстары басталды.

"16 маусым күні сағат 00:58-де Шымкенттің жедел-құтқару жасағының іздестіру тобы жардан құлаған 2003 жылғы жасөспірімнің денесін тапты. Мәйітті жерге түсіріп, полицияға тапсырды",- деп мәлімдеді төтенше жағдайлар комитетінің баспасөз қызметінен.

Тағы оқыңыз: Жол апаты кезінде терезеден ұшып кеткен баланы куәгер құтқарып қалды – видео

Құтқарушылар тауда адасқан екі оқушыны да тапты. Олармен телефон арқылы байланысқа шыққан.

"Алайда құтқару жұмысы жартасты жерлердің болуына байланысты қиындап отыр", - деді комитеттен.

Құтқару жұмыстарына Шымкент қаласы төтенше жағдайлар департаментінің жедел-құтқару жасағы, Түркістан облысы төтенше жағдайлар департаменті,  жедел жәрдем бригадасы, полиция бөлімі, барлығы 23 адам мен 5 бірлік техника жұмылдырылды.

Жаңалықтар
0