НҰР-СҰЛТАН, 6 маусым — Sputnik. Үш алматылық жүргізуші жауапқа тартылды. Олар жолаушыларға көліктің терезесі мен люгінен шығуға рұқсат берген. Бейнероликті куәгерлер түсіріп, әлеуметтік желіде жариялады.
Қалалық полицияның ақпаратына сәйкес, үш көліктен құралған кортеж Медеу жаққа бара жатқан. Көлікте мектеп түлектері болған, деп хабарлайды Polisia.kz.
Көлік иелері мемлекеттік тіркеу нөмірлері арқылы анықталды. Полицейлер оларды тауып, әкімшілік кодекстің алты бабы бойынша жауапкершілікке тартты.
Тағы оқыңыз: Нұр-Сұлтанды шулатқан "қара" кортеж: халықтың ашуына тиген жігіт кешірім сұрады
Олар ірі көлемдегі айыппұлдан төлеуден бөлек, жүргізуші куәлігінен айырылады.
