Аталған бағдарлама бойынша үй алуда отбасылық табыс көлемі мен күнкөріс шегінің санаты зор маңызға ие. Отбасының әр мүшесіне шаққанда ай сайынғы табыстың мөлшері 3 күнкөріс шегінен аспаса, онда олар "5-10-20" бағдарламасына қатысуға мүмкіндік алады.
Пилоттық жобаға жергілікті атқарушы орган есебінде пәтер кезегінде тұрған азаматтар ғана қатыса алады. Олардың соңғы бес жылда баспанасы болмауы шарт.
"5-10-20" жаңа тұрғын үй бағдарламасын іске қосуды мемлекет басшысы Қасым-Жомарт Тоқаев тапсырған болатын.
