Өңірлер

Атырауда бір жарым жасар сәби жоғалып кетті

© Photo : СС0 / StockSnap Бала жолда кетіп бара жатыр
Бала жолда кетіп бара жатыр - Sputnik Қазақстан
Жазылу
Бала үйінен шамамен 13.30-да шығып кеткен, содан бері оны ешкім көрмепті. Іздеу жұмыстарына жергілікті тұрғындар мен еріктілер қосылды

НҰР-СҰЛТАН, 21 мамыр – Sputnik. Атырауда Жұлдыз шағын ауданында 20 мамырда жоғалып кеткен бір жарым жасар сәби іздестіріліп жатыр.

Бала үйінен шамамен сағат 13.30-да шығып, сол күйі оралмаған. Әли бір жарым жаста, оң аяғын сылтып басады, деп хабарлайды жергілікті "Ақ жайық" басылымы.

Посмотреть эту публикацию в Instagram

Публикация от AZH.NEWS (@azh.news)

Іздеу жұмыстары 20 мамыр кешке де жалғасты. Оған 150-ге жуық жергілікті тұрғын, 50 шақты ерікті және 20 әскери тартылған. Оқиға орнында полиция жұмыс істеді.

Ерікті Олжас Сұлтановтың айтуынша, көрші үйде орнатылған камераға баланың, әуелі аулада болғаны, кейін көшеге шыққаны түсіп қалған.

Сәбидің анасы бір-екі минутқа үйге кіріп шыққан, бала сол арада жоғалып кеткен.

Іздеуге үш дрон да жұмылдырылды. Бүкіл үйдің ауласы, септиктер, қоқыс алаңдары тексерілген, алайда іздеу жұмыстары әзірге нәтиже бермей отыр.

Жаңалықтар
0