АЛМАТЫ, 20 мамыр– Sputnik. Қазақстан президенті Қасым -Жомарт Тоқаевты Иран президенті Хасан Рухани Тегеранға ресми сапармен келуге шақырды, деп хабарлады Ақорда сайты.
Екі ел президенті телефон арқылы сөйлесті.
Әңгіме барысында тараптар қазақ-иран қатынастарының қазіргі ахуалы мен даму перспективаларын, соның ішінде сауда-экономикалық ынтымақтастықты нығайту мәселелерін талқылады.
Денсаулық сақтау, білім және ғылым ЕЭК құзыретіне кірмеуі керек – мемлекет басшысы
Хасан Рухани Иран тарапының Қазақстанмен тауар айналымын арттыруға мүдделі екенін атап өтіп, "Қазақстан-Түрікменстан-Иран"темір жолының, сондай-ақ, Каспий теңізі арқылы өтетін мультимодальді дәліздердің әлеуетін тиімді пайдаланудың өзектілігіне тоқталды.
"Иран тарапы жүк тасымалын ұлғайту мақсатында аталған көлік бағыттарының бәсекеге қабілеттілігін арттыру үшін бірлескен жұмыстардың маңызды екенін жеткізді",- делінген хабарламада.
Ал Қасым-ЖомартТоқаев екіжақты экономикалық байланыстарды жандандырудың нақты шараларын үкіметтер деңгейінде әзірлеуді ұсынды.
Әңгімеде қос мемлекеттің COVID-19 індетіне қарсы күреске қатысты қабылдаған шараларына ерекше назар аударылды.
Иран президенті індеттің таралуын болдырмау жөніндегі Қазақстан басшылығының қабылдаған шешімдері мен атқарған іс-қимылдарын, сондай-ақ халық арасында кең ауқымда жүргізілген коронавирусты анықтау жұмыстарын жоғары бағалады.
