Өңірлер

Бірнеше өңірде дабылды ескерту жарияланды

© AFP 2022 / PATRICK PLEULАрхивное фото молнии во время грозы
Архивное фото молнии во время грозы - Sputnik Қазақстан
Жазылу
Yandex newsTelegram
Бұған дейін су тасқынынан зардап шеккен Шымкент пен Түркістан облысында қатты жауын болатыны хабарланды

НҰР-СҰЛТАН, 17 мамыр – Sputnik. Елдің бірнеше өңірінде дабылды ескерту жарияланды.

"Республика бойынша құбылмалы ауа райы сақталады. Кей жерлерде жаңбыр жауып, найзағай ойнайды. Оңтүстік пен солтүстік-батыста дауыл, жауын, бұршақ болады", - деп хабарлады Қазгидромет.

Солтүстік Қазақстан облысында 18 мамыр күні найзағай, дауыл, бұршақ болады. Оңтүстік-шығыстан соққан желдің екпіні 15-20 м/с-ке дейін жетеді. Түнде және таңертең тұман болуы мүмкін.

Ақмола облысында дауыл соғып, бұршақ жауады. Оңтүстіктен соққан желдің екіпін - 15-20 м/с. Көкшетауда күн күркіреуі мүмкін.

Қостанай облысында қатты жауын жауады, тұман мен бұршақ болады. Шығыстан соққан жел батыс желіне ауысады. Жылдамдығы секундына 15-20 метр.

Кешке 17 мамырда және түнде 18 мамырда таулы аймақта, күндіз 18 мамырда Түркістан облысында қатты жауын болады. Дауыл соғып, бұршақ жаууы мүмкін. Желдің екпіні 23 м/с-ке дейін жетеді.

Шымкентте күннің екінші жартысында нөсер жауын, дауыл болады. Желдің жылдамдығы секундына 15-20 метр.

Еске сала кетсек, Түркістан облысы мен Шымкент қаласы су тасқынынан зардап шеккен болатын.

Қызылорда облысында түнде жаңбыр болады. Оңтүстік-батыс, батыстан соққан желдің жылдамдығы - 15-20 м/с, кей жерлерде 23-28 м/с.

Жаңалықтар
0