Өңірлер

Карантинде отырған отбасы үйдің шатыры арқылы қашқан – видео

© AP Photo / Darko VojinovicЧеловек, сидящий на крыше
Человек, сидящий на крыше - Sputnik Қазақстан
Жазылу
Отағасы кәмелетке толмаған қызын қолына алып, шатыр арқылы шығып кетемін деп ойлаған. Келіншегі де бірге болған

НҰР-СҰЛТАН, 27 сәуір – Sputnik. Екібастұз қаласында карантинге жабылған үйдің тұрғындары шатыр арқылы қашып кетпекші болған, деп хабарлады Polisia.kz сайты.

Ресми мәліметке сәйкес, өткен демалыс күндері қалада карантинді бұзған үш адам ұсталды. Мәселен, 34 жастағы ер адам үйдің карантинге жабылғанына қарамастан, бірінші қабаттың терезесінен секіріп, өз көлігімен қашып кетпекші болған. Алайда алысқа ұзаған жоқ. Полицейлер оны ұстап, үйіне қайтарды. Ал көлігін айыппұл тұрағына қойды.  

"Мәшһүр Жүсіп 61 мекенжайында тұратын отбасы мүшелері шатыр арқылы қашып кетпекші болған. Бұл үй каратинге жабылған болатын. Соған қарамастан, отағасы кәмелетке толмаған қызын қолына алып, шатыр арқылы шығып кетемін деп ойлаған. Келіншегі де бірге болды. Көрші үйде тұратын адам олардың қашқанын камераға түсіріп алған", - дейді полицейлер.

Бүгінде төтенше жағдай режимі мен карантинді бұзғаны үшін әкімшілік хаттама рәсімделді. Енді карантин біткесін барлығы сот алдында жауап береді.

Қашамын деп көз жұмды: Тараз ауруханасындағы оқиғаның мән-жайы белгілі болды

Айта кетейік, осы уақытқа дейін Павлодар облысында төтенше режимді бұзғаны үшін 1 020 адам ұсталған. 96 адам 5-10 тәулікке қамауға алынса, 199 адамға 10 АЕК көлемінде айыппұл салынды. Бұдан бөлек, 585 адамға ескерту жасалды. 412 көлік айып тұрағына қойылды. 

Жаңалықтар
0