НҰР-СҰЛТАН, 27 наурыз – Sputnik. Театрлардың қатысуымен іске қосылған жаңа онлайн-жоба мектеп оқушылары үшін қашықтан оқу кезеңінде қосымша білім көзі болады. Жоба 7 сәуірден жүзеге асырыла бастайды.
Sputnik Қазақстан сайты мен жеті театрдың әлеуметтік желілерінде үздік қойылымдардың видеожазбасын көруге мүмкіндік жасалады.
"Театрлар арнайы роликтер дайындайды. Ол жерде жетекші актерлер орыс, қазақ және шетел жазушылары мен драматургтерінің шығармаларын орындайды және көрсетеді. Ең алдымен мектеп бағдарламасына кіретін романдар, повестер, пьесалар, поэмалар орындалады", - дейді "Россотрудничество" өкілдігіндегілер.
Жоба 7 сәуірде іске қосылады. Трансляциялардың бағдарламасы жақын арада "Россотрудничество" ұйымы өкілдігінің сайтында жарияланады.
Сонымен қатар, бұл жоба Sputnik Қазақстанның "Театр және жастар" кең ауқымды интерактивті жобасының жалғасы іспетті.
"Бұл жобаның мақсаты – балаларға карантин күндерінде жақсы көңіл-күй сыйлау, сонымен қатар алдағы емтихан, байқау, олимпиадаларға дайындалуға көмектесу, әдеби туындылардың мазмұнын тереңірек түсініп, ой-өрісін кеңейтуге бағытталған", - дейді ұйымдастырушылар.
Акция серіктестері - Sputnik Қазақстан халықаралық ақпарат агентті мен "Комсомольская правда" және "Аргументы и Факты" басылымдарының редакциялары.
Онлайн-жобаға қатысушы театрлар
Ақмола облыстық орыс драма театры
М.Ю.Лермонтов атындағы мемлекеттік академиялық орыс драма театры
С.С.Станиславский атындағы Қарағанды мемлекеттік орыс драма театры
Қостанай облыстық орыс драма театры
М.Горький атындағы мемлекеттік академиялық орыс драма театры
Теміртау балалар мен жасөспірімдер театры
Шымкент қалалық орыс драма театры
