НҰР-СҰЛТАН, 22 наурыз - Sputnik. Нұр-Сұлтан көшелерінде адам аз, тұрғындар үйінде отыр, коммуналдық және жедел қызметтер жұмыс істеп жатыр.
Елімізде коронавирус инфекциясының таралуына жол бермеу мақсатында төтенше жағдай жарияланды, ал Нұр-Сұлтан мен Алматыда карантин режимі енгізілді.
"Барлық эпидемияға қарсы шара Наурыз мейрамына тұспа-тұс келіп отыр. Сондықтан, ел тарихында алғаш рет Ұлыстың ұлы күні жаңа форматта тойлануда: астаналықтарға вирустың таралуын мейлінше азайту үшін үйде отырып, жаңа жылды отбасымен бірге қарсы алуға кеңес берілді", - деп хабарлады әкімдіктің ресми сайты.
22 наурыз сағат 00.00-ден бастап елордаға кіру және шығу жолдары толығымен жабылды. Қалада кәсіпкерлердің карантин режимін сақтауын тексеру мақсатында рейдтер өткізілуде.
