НҰР-СҰЛТАН, 15 наурыз - Sputnik. Мемлекет басшысы Қасым-Жомарт Тоқаев елдегі эпидемиологиялық жағдайға байланысты қазақстандықтарды сабырлық сақтауға шақырды.
"Өкінішке қарай, коронавирус Қазақстанды да айналып өтпеді. Үкімет пен әкімдер өзіміздің және шетел азаматтарының қауіпсіздігі үшін айрықша шаралар қабылдауда", - деп жазды Тоқаев Twitter-парақшасында.
Өкінішке қарай, коронавирус Қазақстанды да айналып өтпеді. Үкімет пен әкімдер өзіміздің және шетел азаматтарының қауіпсіздігі үшін айрықша шаралар қабылдауда. Жағдай толық бақылауда. Сабырлық танытып, жеке гигиенаны сақтау қажет. Арандатушылар жазаланады.
— Qasym-Jomart Toqayev (@TokayevKZ) March 14, 2020
Оның айтуынша, коронавирустық инфекцияға қатысты жағдай толық бақылауда.
"Сабырлық танытып, жеке гигиенаны сақтау қажет. Арандатушылар жазаланады", - деді мемлекет басшысы.
Сөз соңында президент баршаға мықты денсаулық тіледі.
"Біз #Birgemiz!", - деді Тоқаев.
Соңғы мәліметтер бойынша, Қазақстанда коронавирус жұқтырғандар саны – алты адам, екеуі – Нұр-Сұлтан қаласында, төрт адам – Алматыда. Олардың барлығы шетелден ұшақпен ұшып келген. Төртеуі Германиядан, біреуі Италиядан, тағы бір әйел Варшавадан, бірақ оның да Германияда болғаны хабарланды.
Тағы бір қазақстандық Германияда емделіп жатыр, оның қазақстандық дипломаттардың бірінің әкесі екені белгілі.
