НҰР-СҰЛТАН, 8 наурыз – Sputnik. Ақтауда 10 жастағы оқушы қалалық коммуналдық қызметтің нәзік жандарын Халықаралық әйелдер күнімен құттықтау үшін ақша жинады.
Кішкентай Әлижан видеоны өзінің Istagram парақшасында жариялаған.
Одан оқушының көше сыпырушыларға жақындап, гүл шоғын сыйлап, 8 наурыз мерекесімен құттықтап жатқаны көрінеді.
Бұл идеяны оған анасы айтыпты.
10 жасар тұрғынның әрекеті желі қолданушыларының жүрегін елжіретті.
Посмотреть эту публикацию в InstagramМама подкинула идею💡 А я воплатил её✨ Поздравлю всех девочек и женщин с наступающим праздником 🎉🎉
"Жарайсың, Әлижан! Сен сияқтылар көп болсын! Өзіңе және жақындарыңа зор денсаулық тілеймін", - деп жазған желі қолданушыларының бірі.
"Ақылдысын-ай! Сенің анаңа үлкен рақмет!, - деді қоғам қайраткері Ирина Медникова.
Тағы оқыңыз: Желіде балалардың Қордайда жүрген полицей әкесіне жазған хаты жарияланды
Кәсіпкер Шамрад Телеубаев жеке парақшасында Әлижан оған үш жыл бұрын келіп, дәмханаға сағыз сатылатын аппарат қоюды өтінгенін жазды.
"Мен, әрине, мұндай аппараттарға қарсымын. Бірақ оның бала кезден ақша табуға әрекеттеніп жатқанын көрген соң, аппаратты қайтарымсыз негізде орнатуға рұқсат еттім", - деді ол.
