Қоғам

Сайрагүл Сауытбай батылдық үшін берілетін халықаралық сыйлыққа ие болды

© Sputnik / Тимур БатыршинСайрагүл Сауытбайдың "пана іздеуші тұлға" куәлігінің мерзімі ұзартылды
Сайрагүл Сауытбайдың пана іздеуші тұлға куәлігінің мерзімі ұзартылды - Sputnik Қазақстан
Жазылу
НовостиTelegram
"Батылдық үшін" халықаралық сыйлығын алған 12 әйелдің ішінде этникалық қазақ Сайрагүл Сауытбай бар

АЛМАТЫ, 4 наурыз – Sputnik. Этникалық қазақ Сайрагүл Сауытбай "Батылдық үшін" халықаралық әйелдер сыйлығының иегері атанды. Бұл туралы АҚШ мемлекеттік департаментінің ресми сайтында жазылған, деп хабарлайды Sputnik Қазақстан. 

3 наурызда 2020 жылы "Батылдық үшін" халықаралық сыйлығын алған әйелдердің аты-жөні жарияланды. Арасында этникалық қазақ Сайрагүл Сауытбай да бар.

"2017 жылдың қарашасы мен 2018 жылдың наурыз айы аралығында Қытай коммунистік партиясы Сайрагүлді қамау лагеріндегі этникалық топтарға қытай тілін үйретуге мәжбүрледі. Лагерьге қамалудан қорыққан ол 2018 жылдың наурызында Қазақстанға қашты. Егер лагерьге қамалса, тірі қалмайтынын айтты. Сайрагүл Сауытбай Қытай коммунистік партиясының мұсылмандарды қудалауы жайлы алғаш айтқан адамның бірі", - делінген ақпаратта.

Қазір Сайрагүл Сауытбай отбасымен бірге Швецияда тұрып жатыр.

Халықаралық сыйлық тағы 11 әйелге берілді. Марапаттау рәсімі 4 наурызда Вашингтонда жергілікті уақыт бойынша таңғы сағат 10:00-де (Нұр-Сұлтан уақыты бойынша сағат 23:00-де) өтеді. Салтанатты шараға АҚШ-тың мемлекеттік хатшысы Майк Помпео мен Американың бірінші ханымы Меланья Трамп қатысады.

View this post on Instagram

A post shared by U.S. Embassy to Kazakhstan (@usinkz) on

2018 жылы International Women of Courage Award марапатын қазақстандық құқық қорғаушы Айман Омарова иеленген еді.

АҚШ мемлекеттік департаменті "Батылдық үшін" халықаралық сыйлығын ерекше батылдық пен көшбасшылық көрсеткен және бейбітшілік, әділеттілік, адам құқығы мен гендерлік теңдікті насихаттайтын әйелдерге береді.

Сайрагүл Сауытбайдың ісі

Этникалық қазақ Сайрагүл Сауытбай 2018 жылдың мамырында отбасымен қауышу үшін Қытайдан қашып, Қазақстан шекарасын заңсыз кесіп өткен болатын.

Ерлі-зайыпты Уәли Ісләм мен Сайрагүл Сауытбай ұл-қызымен бірге Қазақстанға 2016 жылы көшіп келуді жоспарлаған. Алайда Сайрагүл Қытайда құпия саналатын "саяси қайта тәрбиелеу орталықтарында" жұмыс істегендіктен, "мемлекет құпиясын әшкерелемеу" туралы қолхат берген.

Қытай оны тарихи отанына жібермеу үшін төлқұжатын тартып алған. Осылайша, қазақ келіншегі Қытайда қалды, ал жұбайы мен балалары Қазақстан азаматтығын алып, атажұртқа оралады.

© Sputnik / Айгерім ТаубайСайрагүл Сауытбайдың соты
Сайрагүл Сауытбай батылдық үшін берілетін халықаралық сыйлыққа ие болды - Sputnik Қазақстан
Сайрагүл Сауытбайдың соты

2018 жылдың 1 тамызында Алматы облысының Панфилов аудандық соты этникалық қазақты 6 айға шартты түрде бас бостандығынан айырып, сот залынан босатты. Оған Қазақстан аумағынан шығару туралы қосымша жаза қолданылмады.

Сайрагүл Сауытбайға Қазақстанда "пана іздеуші тұлға" куәлігі берілді, алайда "босқын" мәртебесі берілмеді.

Сайрагүл Сауытбай 2019 жылдың 3 маусымында Алматыдан Швецияға ұшып кетті. Күйеуі және екі баласы Қазақстан азаматтығынан бас тартқан жоқ.

Жаңалықтар
0