НҰР-СҰЛТАН, 29 ақпан – Sputnik. Ақтөбе облыстық соты жұма күні 22 жастағы Әсем Эльбрусованың өліміне қатысты апелляциялық шағым қаралды, деп хабарлайды Диапазон.
Бойжеткенді өзінің сөз байласқан жігіті буындырып өлтірген болатын. Әсем Эльбрусова Бақыт Орынбасаровпен бір жарым жыл бойы кездескен. Құда түсіп, үйленуді жоспарлапты. Алайда ғашықтар жалдамалы пәтердегі кездесу кезінде жігіт қылмыс жасады.
View this post on Instagram
Ашуға булыққан Бақыт Орынбасаров қызды өз қолымен буындырып өлтірген. Осы қылмысы үшін ол 10 жылын түрмеде өткізуі тиіс болатын. Бірақ мұны марқұмның жақындары азсынып, апелляциялық шағым түсірді.
Облыстық соттың апелляциялық комиссиясы жазаны өзгертті. 23 жастағы сотталушы енді 11 жылын түрмеде өткізеді. Бұған қоса, моральдық шығын ретінде жеті миллион теңге төлеуі тиіс.
Тағы оқыңыз: Үйлену тойындағы оқыс оқиғадан кейін жігіт қалыңдығын ұмытып қалды
Қайтыс болған қыздың анасы үкімге шағым түсірмейтінін айтты.
