Танымал америкалық баскетболшы Коби Брайант тікұшақ апатынан қаза тапты. Онымен бірге бортта тағы тоғыз адам болған, олардың қатарында 13 жастағы қызы Джанна да бар. Бәрі көз жұмды.
Коби Брайант – НБА-ның бес дүркін чемпионы.
Тағы оқыңыз: Аты аңызға айналған спортшы мен 13 жасар қызы қаза болды - видео
Спортшы НБА-да 20 маусым бойы "Лос-Анджелес Лейкерс" үшін өнер көрсетті. Бес рет чемпион болды, 18 рет Жұлдыздар матчына қатысты. Тұрақты чемпионаттың ең қымбат ойыншысы, екі рет плей-офф финалдық сериясының ең қымбат ойыншысы атанды.
Аты аңызға айналған баскетболшы бүкіл әлемдегі жанкүйерлеріне қандай болып есте қалды? Бұны Sputnik фотолентасынан көріңіздер.
1/10
© REUTERS / Monica Almeida
Коби Брайанттың тамаша ойынының арқасында көптеген адам баскетбол мен допты ұнатты. Ол көпшілік үшін спорттың нағыз үлгісіне айналды. Суретте: Лос-Анджелес жұрты баскетболшы Коби Брайанттың өліміне қайғырып тұр.
2/10
© REUTERS / Ringo Chiu
НБА тарихындағы ең жемісті ойыншылар тізімінде Брайант 33 643 ұпаймен үшінші орында болды. Фотода: адамдар ішінде баскетболшы Коби Брайант болған тікұшақ апатының орнына қарап тұр.
3/10
© REUTERS / Kyle Grillot
Коби Брайант екі рет - 2008 және 2012 жылдары Олимпиадада жеңіске жеткен АҚШ-тың баскетбол құрамасы үшін өнер көрсеткен. Бұған қоса, ол Америка-2007 чемпионы атанған. Суретте: Лос-Анджелесте жиналған жұрт қаза болған баскетболшы Коби Брайантты еске алып, майшамдар жағуда.
4/10
© AFP 2024 / Mark Ralston
Брайант 2016 жылы карьерасын аяқтады.
5/10
© REUTERS / Ringo Chiu
Коби Брайант тұрақты түрде стадионға жекеменшік тікұшағымен баратын. Ол баскетбол жаттығуына кешігуді ұнатпайтын. Фотода: тікұшақ құлаған жерде жүрген тергеушілер.
6/10
© REUTERS / Mario Anzuoni
Көптеген әлемдік жұлдыздар баскетболшы өліміне байланысты көңіл айтты. Суретте: 62nd Grammy Awards кезіндегі экрандағы рэппер Nipsey Hussle мен баскетболшы Коби Брайанттың суреті.
7/10
© AFP 2024 / Agustin Paullier
Қазақстандық боксшы Геннадий Головкин де әлеуметтік желісінде Брайант туралы жазды. Фотода: Лос-Анджелестегі еске алу акциясындағы Коби Брайант жанкүйерлері.
8/10
© REUTERS / Ringo Chiu
НБА жұлдызы мен оның әйелі Ванессаның төрт қызы - Джанна, Наталья, Бьянка мен жаңа туған Капри бар. Суретте: Калифорнияда баскетболшы Коби Брайантты еске алу акциясында жылап тұрған адамдар.
9/10
© REUTERS / Kyle Grillot
Коби Брайант қазасы – спорт әлемі үшін үлкен қайғы. Биыл ол 42 жасқа толар еді. Фотода: Лос-Анджелестегі еске алу акциясындағы аты аңызға айналған баскетболшының жанкүйерлері.
10/10
© REUTERS / Aly Song
Коби Брайант бүкіл бір дәуір символы атанды. Ол біртуар спортшы, мықты қорғаушы болған еді. Ұлы Коби жеңілгенді ұнатпайтын, ол жеңіс үшін соңына дейін шайқасатын.
