АЛМАТЫ, 31 қаңтар — Sputnik. Еуразиялық үкіметаралық кеңестің келесі отырысы 9-10 сәуірде Беларусь астанасында өтеді. Бұл туралы Еуразиялық экономикалық комиссия алқасының төрағасы Тигран Саркисян мәлімдеді.
"Үкіметаралық кеңестің келесі отырысы 9-10 сәуірде Минск қаласында өтеді деген келісімге келдік", - деді Тигран Саркисян 31 қаңтарда Алматыда өткен Еуразиялық үкіметаралық кеңестің кеңейтілген отырысында.
Қазақстан премьер-министрі Асқар Мамин Еуразиялық үкіметаралық кеңестің кеңейтілген отырысы аясында 2021 жылдың соңына дейін ЕАЭО елдерінде жүргізілетін мемлекеттік сатып алуларды электрондық форматқа толығымен ауыстыруды ұсынды.
Бұған қоса, ол ортақ бәсекелестік ережелері бұзылған кезде бизнеске шығынын өтеу бөлігінде ЕАЭО туралы келісімшартқа өзгерістер енгізуді реттеу бастамасын айтты.
