НҰР-СҰЛТАН, 25 қаңтар — Sputnik. Түркияның шығысында жұма күні кешке жер сілкінді. Оның магнитудасы 6,8-ді құрады, деп хабарлайды Life.ru басылымы.
Түркия төтенше жағдайлар және табиғи апаттар агенттігінің басшысы Мехмет Гюллюоғлы жер сілкінісінің Элязыг провинциясы Сивридже қаласы аумағында болғанын мәлімдеді.
Бастапқыда Элязыг және Малатья провинцияларының губернаторлары әр провинцияда құрбандар бар - барлығы 14 адам, тағы 270 адам түрлі жарақат алды деп хабар таратты.
Жер сілкінісі жақын маңда орналасқан Диярбакыре, Адыямане және Самсун провинцияларында да сезіліпті. Бұған қоса, жер асты дүмпулерін Израиль, Ирак пен Сирия тұрғындары да сезген екен.
#Turkey: Considerable damage is reported in the city of #Elazığ, following the #earthquake of magnitude 6.7, recorded on Friday night, in addition unfortunately 18 dead and 553 injured
— American Earthquakes 🌋🌊🌎 (@earthquakevt) 24 января 2020 г.
Stay safe
Video:@RasanRemezi
Follow our account for Middle East: @Earthquake_MidE#EQVT,#deprem pic.twitter.com/IGkirlwsdW
Барлығы жүзден астам тұрғын үй қираған. Билік өкілдерінің хабарлауынша, көптеген жерде үйінділер астында адамдар болуы мүмкін, сондықтан құрбандар саны алдағы уақытта өсуі ғажап емес.
Бұқаралық ақпарат құралдарында тараған соңғы мәліметке сай, қаза болғандар саны - 19, ал зардап шеккендер саны - 770 адам.
