НҰР-СҰЛТАН, 17 қаңтар — Sputnik. Ресей сыртқы істер министрінің міндетін атқарушы Сергей Лавров Таллиннің Sputnik Эстония қызметкерлеріне қатысты әрекеттерін "Еуроодақ беделіне нұқсан келді" деген бір ауыз сөзбен бағалады.
"Sputnik Эстонияға қатысты нақты әрекеттерге келсек, меніңше, бұл ерсі іс-қимыл. Біз күнделікті Еуропадағы қауіпсіздік және ынтымақтастық ұйымынан реакция талап етеміз. Еуроодаққа айтарымыз, оның мүшелері Еуропаның декларацияланған, қорғалған құндылықтарына өздері қарсы келіп отыр. Ал Еуроодақтың бұл мәселеге бейжай қарауы, ештеңе істей алмауы – бұл Еуропа одағының беделіне келген кезекті нұқсан", - деп Лавров Sputnik Эстония шеф-редакторы Елена Черышеваның сұрағына жауап берді.
Сондай-ақ, бұған дейін Эстония тұрғындары Sputnik қызметін тоқтатуды цензураға теңеген болатын.
