НҰР-СҰЛТАН, 26 желтоқсан – Sputnik. "Солтүстік ағын – 2" газ құбыры санкцияларға қарамастан салынады.
Бұл туралы РБК газетіне берген сұхбатында Ресейдің энергетика министрі Александр Новак айтты, деп хабарлайды РИА Новости.
"Төсейтін 160 километрдей құбыр қалды", - деді ол.
Оның сөзінше, швейцариялық Allseas компаниясы өз жұмысын бітіре алмайды деп айтуға әлі ерте, ол санкцияларға байланысты АҚШ-тың қаржы министрлігінен түсініктеме күтуде.
АҚШ президенті Дональд Трамп 20 желтоқсанда 2020 жылғы қорғаныс бюджетіне қол қойды, оның ішінде "Солтүстік ағын – 2" және "Түрік ағыны" газ құбырларына қарсы санкциялар қарастырылған.
АҚШ мердігер компаниялардан дереу құрылысты тоқтатуды талап етті. "Солтүстік ағын – 2" газ құбырын салып жатқан Allseas жұмысты тоқтатты.
