НҰР-СҰЛТАН, 8 желтоқсан — Sputnik. Алматыда полицейлер күмәнді қорап табылған Сайын көшесі мен Төле би даңғылының қиылысын қоршауға алды, деп хабарлады полиция департаментінің баспасөз қызметі.
Полицияға тұрғындар хабарласып, көше қиылысында күмәнді қорап жатқанын жеткізген. Оқиға орнына жеткен тәртіп сақшылары көшені қоршауға алып, көліктердің жүру бағытын өзгертті.
Тағы оқыңыз: Нұр-Сұлтанда полиция "Хан Шатырды" қоршап алды
Мамандар күмәнді қорапты тексерді, бірақ қауіпті ештеңе табылмады.
Дегенмен, Алматы қаласының полициясы қырағылық пен сақтық танытқан тұрғындарға алғыс білдіріп отыр.
Тағы оқыңыз: Оралда "спецназ" жүргізген арнайы операцияның видеосы тарады
