НҰР-СҰЛТАН, 30 қараша – Sputnik. Синоптиктердің болжамынша, 1 желтоқсанда республиканың басым аумағында тұман, көктайғақ болады, бұрқасындатады, жел күшейеді. Тек оңтүстік-батыста ғана жауын-шашын күтіледі.
Өңірлерде ауа райы қандай болады
Жамбыл, Қызылорда, Қостанай облыстарында кей жерлерде тұман түсіп, желдің жылдамдығы секундына 15-20 метрге дейін күшейеді.
Алматы облысында түнде тұман түсуі мүмкін, Алакөл ауданында 15-20 м/с жылдамдықпен жел соғады.
Атырау облысында кей аймақтарда – тұман, көктайғақ, қатты жел.
Батыс Қазақстан, Ақтөбе облыстарында да кей жерлерде көктайғақ, бұрқасындатады, жел тұрады. Батыс Қазақстанның кейбір аудандарында тұман түседі.
Тағы оқыңыз: Қазақстандықтар желтоқсанда қанша күн демалады
Маңғыстау, Солтүстік Қазақстан, Қарағанды, Шығыс Қазақстан облыстарында, түнде Павлодар, Ақмола, ал күндіз Түркістан облысында кей жерлерде тұман түседі.
Ірі қалалардағы ауа райы
1 желтоқсанда Нұр-Сұлтанда күн ашық. Түнде -17°C, күндіз -8°C. 3-5 м/с жылдамдықпен жел соғады.
Алматыда да күн ашық, жауын-шашынсыз. Түнде -5°C, күндіз 0°C шамасында болады.
Шымкентте күн жылы әрі ашық. Түнде -2°C, ал күндіз +13°C.
