НҰР-СҰЛТАН, 15 қараша – Sputnik. Желіде мұздай қаруланған астаналық жігіттің видеосы тарады.
Ролик инстаграмдағы astana_sergek парақшасында жарияланды.
Видеода қолына екі бірдей қару ұстаған жас жігіт "Астана біздікі, Аллаһу әкбар" деп күліп отыр. Көлікте қару-жарақтың бірнеше түрі жатқанын байқауға болады. Оның ішінде автомат та бар.
Бұдан бөлек, рөлде отырған ер адамның былапыт сөздері де естіледі.
Нұр-Сұлтан қаласының полиция департаменті қазір тексеріс жүргізіп жатыр.
Тағы оқыңыз: "Сені ертең жейміз" Қытайлық медбикенің науқасқа жазған хаты жұртты шошытты
"Тексеріс нәтижелері туралы кейін қосымша хабарлаймыз", - деді полициядан.
