НҰР-СҰЛТАН, 11 қараша – Sputnik. Қырғызстанда 26 жастағы айтыскер ақын Ақжолтой Қанатұлы жол апатынан қаза болды.
Суыт хабарды марқұмның туысқандары хабарлаған.
Айтуынша, апат кезінде жас жігіттің қасында әйелі мен достары да болыпты. Олар Бішкектен шығып, Нарын облысының Қошқар ауданына бара жатқан.
Жол апаты бүгін таңертең болды, деп жазады Sputnik Қырғызстан.
Ақжолтой Қанатұлы – белгілі ақын Майра Керімқызының ұлы. Түрлі айтыстарға қатысып, бақ сынаған.
