НҰР-СҰЛТАН, 19 қазан – Sputnik. Үндістанда 55 жастағы ер адам жерлеу рәсімі кезінде тіріліп кетті.
AsiaOne басылымының ақпаратынша, 55 жастағы ер адам ешкі бағып жүргенде есінен танған. Жақындары оны өлдіге санап, жер қойнына тапсырмақшы болыпты.
Алайда мәйітті қабірге түсіргелі жатқанда, жиналғандардың бірі марқұмның басын шайқағанын байқап қалған.
Қайғыдан қан жұтқан отбасы мұны көріп есеңгіреп қалды.
Тағы оқыңыз: "Босатыңыз": жерлеу рәсімі кезінде қабірден дауыс шықты – видео
Жақындары ер адамды бірден ауруханаға жеткізген. Дәрігерлердің айтуынша, ер адамның қызуы қатты көтеріліп, есінен танған.
