НҰР-СҰЛТАН, 8 қазан – Sputnik. Қырғызстандықтар әлеуметтік желіде алып қашу кезінде түсірілген видеоны қызу талқылап жатыр. Телеграм каналында жарияланған видеода қызды күштеп тұрмысқа беріп жатқаны жазылған.
Талас облысы ішкі істер басқармасында тексеріс аяқталғанға дейін нақты шешім қабылдауға болмайтынын айтты, деп хабарлайды Sputnik Қырғызстан.
Кадрлар адам толы бөлмеде түсірілген. Музыка ойнап тұр. Жиналғандардың бәрі күліп, мәз-мейрам. Тек бір қыз ғана еңіреп жылап отыр. Әйелдер оны жібермей, жан-жақтан ұстап алған. Видеоның Таласта түсірілгені жазылған.
Тағы оқыңыз: Қалыңдығын алып қашпақ болған жігіт ел алдында ұятқа қалды - видео
Талас облысы ішкі істер департаментінің баспасөз қызметі милиция видеоны тексеріп жатқанын айтты.
"Бұл факті бойынша тексеріс жүріп жатыр. Таласта болса, шу шығатын еді. Бірақ, әрине, әлі нақты еш нәрсе айта алмаймыз", - деді баспасөз қызметінде.
