НҰР-СҰЛТАН, 6 қазан — Sputnik. "Қайсар" мен "Атырау" клубтарының жанкүйерлері футболдан Қазақстан кубогы-2019 финалында стадионда төбелесіп кетті.
Посмотреть эту публикацию в Instagram
Sports.kz жариялаған видеода ойынның орта кезінде жанкүйерлер арасында төбелес басталып кеткенін көруге болады. Олар тіпті бір-біріне стақан лақтыра бастаған.
Айта кетсек, ақтық сынға "Қайсар" мен "Атырау" шыққан болатын. Алғашқы голды 67-ші минутта атыраулық шабуылшы Петар Гжельчак соқты. Ал ойынның 87-ші минутында Игорь Зенькович есепті теңестірді.
Тағы оқыңыз: Ақтаудағы жаппай төбелес: қылмыстық іс қозғалды – видео
Ойынның соңғы минуттарында Думан Нарзильдаев "Атыраудың" қақпасына екінші голды соқты.
