Спорт

Әли Ахмедов қарсыласын 44 секунд ішінде нокаутқа жіберді – видео

© Photo : Официальная группа Али Ахмедова в "ВКонтакте"Әли Ахмедов
Әли Ахмедов - Sputnik Қазақстан
Жазылу
Қазақстандық боксшы он алтыншы жеңісіне қол жеткізіп, WBC International Silver титулын қорғап қалды

НҰР-СҰЛТАН, 6 қазан – Sputnik. Қазақстандық боксшы Әли Ахмедов АҚШ-та кәсіпқой рингте он алтыншы жекпе-жегін өткізді.

Ахмедов америкалық Эндрю Эрнандеспен қолғап түйістірді.

Жекпе-жек 12 раундқа есептелсе де, бар болғаны 44 секундқа созылды. Айқасты белсенді бастаған қазақ боксшысының бірнеше соққысы қарсыласына дөп тиді. Рингтегі төреші Эрнандес тарапының қарсылығына қарамастан, жекпе-жекті тоқтатуды ұйғарды.

Осылайша Әли Ахмедов он алтыншы жеңісіне қол жеткізіп, WBC International Silver титулын қорғап қалды.

Ал америкалық боксшы сегізінші жеңілістің дәмін татты.

Жекпе-жек Нью-Йорктегі Madison Square Garden аренасында бокс кеші аясында өтті. Кештің басты айқасы – қазақстандық Геннадий Головкин мен украиналық Сергея Деревянченко арасындағы жекпе-жек.

Жекпе-жекті "Qazaqstan" және "Qazsport" телеарналарынан тікелей эфирде көруге болады.

Жаңалықтар
0