АЛМАТЫ, 30 қыркүйек — Sputnik. Жол апаты Алматыдағы үлкен Алматы каналы бойында Өтемісұлы көшесінің қиылысында болды. Куәгерлердің айтуынша, Audi 100 көлігі батыс бағытқа қарай жүріп бара жатқан. Ол шығысқа қарай бет алған Nissan Almera көлігіне жол бермеген.
Апат салдарынан төрт адам зардап шекті
© Sputnik / Стрингер
Қатты жылдамдықпен келе жатқан Nissan Audi көлігінің бүйіріне соғылды. Соққының қатты болғаны соншалық Audi арықтан ұшып кеткен. Ал Nissan көлденеңнен көшенің қақ ортасына түсті..
Апат салдарынан төрт адам: Nissan Almera көлігіндегі әйел мен екі баласы және Audi-дің жүргізушісі зардап шекті. Олар түрлі жарақатпен ауруханаға жеткізілді.
Nissan Almera көлігіндегі әйел мен екі баласы және Audi-дің жүргізушісі ауруханаға жеткізілді
© Sputnik / Стрингер
Оқиға орнында жол полициясының қызметкерлері жұмыс істеп жатыр. Апаттың мән-жайы анықталады.
