НҰР-СҰЛТАН, 23 қыркүйек – Sputnik."Қазгидромет" РМК 24-26 қыркүйек күндеріндегі ауа райына болжам жасады, деп хабарлайды Sputnik Қазақстан.
Синоптиктердің болжамынша, еліміздің оңтүстігінде, оңтүстік-шығысында және орталығында ыстықтың беті қайтып, суық ағымдардың әсерінен қыркүйекке тән ауа райына ауысады. Демалыс күндері бұл облыстарда күндіз ауа температурасы +33…+39°С дейін көтерілген еді.
"Арктикалық суық ағымдардың өтуімен республиканың орталығы мен шығысында жаңбыр жауып, екпінді жел соғады, түнде -3°С дейін үсік жүреді",- деп хабарлайды Қазгидромет.
Ал батыс және солтүстік облыстарда жауын жауады, ауа температурасы төмендейді. Алдағы үш тәулікте мұнда жауын-шашын сақталады, ал түнде және күндіз тұман түсіп, үсік жүреді деп болжануда.
Мегаполистердегі ауа райы
Нұр-Сұлтан
- 24 қыркүйекте күн ашық, күндіз ауа температурасы +12°C, түнде +13°C жылы болады.
- 25 қыркүйекте күн ала бұлтты, жауын-шашынсыз. Күндіз сынап бағанасы +14°C, түнде +4°C көрсетеді.
- 26 қыркүйекте күн бұлтты, күндіз ауа температурасы +11°C, түнде +4°C.
Алматы
- 24 қыркүйекте күн ала бұлтты, жауын-шашынсыз. Күндіз +22°C, түнде +15°C жылы.
- 25 қыркүйекте күн ала бұлтты, аздаған жаңбыр жауады. Күндіз сынап бағанасы +26°C, түнде +16°C көрсетеді.
- 26 қыркүйекте күн бұлтты, ауа температурасы күндіз +26°C, түнде +20°C шамасында.
Шымкент
- 24 қыркүйекте күн ала бұлтты, аздаған жаңбыр жауады. Сынап бағанасы күндіз +24°C, түнде +13°C көрсетеді.
- 25 қыркүйекте күн ашық, жауын-шашынсыз. Күндіз +28°C ыстық болса, түнде +15°C.
- 26 қыркүйекте де күн ашық, ауа температурасы күндіз +28°C дейін көтеріледі, түнде +18°C жылы болады.
