НҰР-СҰЛТАН, 9 қыркүйек – Sputnik. Қазақстанда қатерлі ісік, ми тамырлары мен функционалды ауруларды емдеуге арналған "Гамма-пышақ" қондырғысы іске қосылады. Бұл туралы президент Қасым-Жомарт Тоқаев твиттердегі парақшасында жазды.
Елбасымыз Қазақстанның Еңбек Ері мәртебелі атағымен марапаттаған, белгілі ғалым-нейрохирург С.Ақшолақовты қабылдадым. Қатерлі ісіктерді, ми тамырлары мен функционалды дерттерді емдеуге арналған «Гамма-пышақ» атты бірегей қондырғының жақында іске қосылатыны жөнінде мәлім етті.
— Qasym-Jomart Toqayev (@TokayevKZ) 9 сентября 2019 г.
"Елбасымыз Қазақстанның Еңбек ері мәртебелі атағымен марапаттаған, белгілі ғалым-нейрохирург Серік Ақшолақовты қабылдадым. Қатерлі ісіктерді, ми тамырлары мен функционалды дерттерді емдеуге арналған "Гамма-пышақ" атты бірегей қондырғының жақында іске қосылатыны жөнінде мәлім етті", - деп жазды Тоқаев.
Бұған дейін Ақшолақов "гамма-пышақ" туралы Қазақстан нейрохирургтері IV конгресінің кулуарында айтқан еді.
Тағы оқыңыз: Ғалымдар қатерлі ісікті сумен анықтаудың жолын тапты
"Алдағы он жылда алдымызға мүлде басқа міндеттер қойып отырмыз. Бұл заманауи технологияларды енгізу, соның ішінде Gamma Knife (гамма-пышақ) радиохирургиялық әдісімен ми ісіктері мен ми қан тамырлары ауруларын емдеу. Бұл науқастарды компьютерлік әдіспен сәулелендіру. Науқас 30-40 минут ішінде жазылып кетеді. 2019 жылы бұл әдісті енгізуді көздеп отырмыз", - деген болатын ол "Казахстанская правда" басылымына берген сұқбатында.
