НҰР-СҰЛТАН, 26 тамыз – Sputnik. Дәрігерлер ауыз бен мұрынды жауып түшкіру қауіпті екенін айтып отыр, деп хабарлайды РИА Новости.
Мамандардың айтуынша, түшкірген кезде ауа ағынының жылдамдығы секундына 120 метрге дейін жетуі мүмкін.
"Егер ауыз бен мұрынды жапса, шырыш қысыммен жұтқыншақ пен құлақты байланыстыратын есту түтігіне баруы мүмкін. Салдарынан есту түтігі қабынып, евстахиит пайда болады ", — дейді дәрігерлер.
Сондай-ақ, қысыммен микроб түсіп, синусит, гайморит немесе сфеноидит болады.
Тағы оқыңыз: Жөтелінің себебін білген ер адам 16 күннен кейін көз жұмды
Бұған қоса, түшкіру кезінде бассүйек ішіндегі қысым артады. Мұны, әсіресе, егде жастағылар мен қан тамыр қабаты әлсіз адамдар сезінеді.
