НҰР-СҰЛТАН, 15 тамыз — Sputnik. ҚР мәдениет және спорт министрі Ақтоты Райымқұлова екі аяқсыз дүниеге келген жас қазақстандық Әли Тұрғанбековтың өмірге деген құлшысына тәнті екенін айтты, деп хабарлайды Sputnik Қазақстан тілшісі.
Министр мүмкіндігі шектеулі адамдар көмек сұраса, оларға көмектесуге аянбайтынын атап өтті.
"Менің ойымша, Қазақстан тұрғындары Әлиге қарап, оның қайсарлығына, өмірге деген құштарлығын көріп, тәнті болатын шығар. Мен Әлимен жеке кездескен жоқпын. Бірақ жоспарымда бар", - деді Ақтоты Райымқұлова орталық коммуникациялар қызметінде өткен брифингте.
Осы орайда ол Әли Тұрғанбековпен орайы келсе, кездесуге дайын екенін жеткізді.
Тағы оқыңыз: Қазақстандық "Ник Вуйчич" Марадонамен футбол ойнады
"Ол елге келген соң, екеуміз міндетті түрде кездесеміз деген үміттемін. Менің ойымша, кішкентай Әли өмірге деген құштарлық пен қайсарлықтың символына айналған Ник Вуйчич сияқты елші болуы мүмкін. Қазірдің өзінде ол біздің қазақстандықтардың әлемдегі елшісі болып жүр. Сондықтан өкілетті орган ретінде біз оған қолдау көрсетеміз", - дейді министр.
Посмотреть эту публикацию в Instagram
Айта кетейік, "қазақстандық Ник Вуйчич" атанып кеткен Әли Тұрғанбеков Ыстанбұлда УЕФА-ның Суперкубогы үшін ойнаған англиялық "Ливерпуль" және "Челси" матчын тамашалап, атақты футболшылармен кездескен болатын. Тартысты өткен ойында "Ливерпуль" командасы жеңіске жетті.
Бұған дейін Әли Тұрғанбеков көптеген футбол жұлдызымен, соның ішінде Диего Марадона, Лионель Месси, Андрей Шевченко, Неймар және басқалармен кездескен.
