НҰР-СҰЛТАН, 9 тамыз – Sputnik. Орталық сайлау комиссиясы президент сайлауы кезінде 11 миллион қазақстандықтың жеке мәліметінің жарияланып кетуіне қатысты түсініктеме берді.
Кибер шабуылдарды талдау және тергеу орталығының директоры Арман Әбдірәсілов Желіге жеке мәліметтерді "қотаруға" Орталық сайлау комиссиясының қатысы бар екенін хабарлаған еді.
Тағы оқыңыз: 11 миллион қазақстандықтың жеке мәліметі Желіде жарияланып кетті
"Сайлаушы-азаматтардың бірыңғай электронды реестрі Орталық сайлау комиссиясының серверлерінде болады, олар барлық ақпаратты қорғау шараларын қарастырады және сыртқы байланыс құралдарына, соның ішінде Интернетке қосылмған. Сайып келгенде, ОСК серверлерінен деректердің сыртқа шығуы мүмкін емес", - деп атап өтті комиссия.
Соған қарамастан ОСК ішкі тергеу жүргізген, Орталық сайлау комиссиясының серверлеріне рұқсатсыз кіру жағдайы анықталмаған.
