НҰР-СҰЛТАН, 6 тамыз — Sputnik. Нұр-Сұлтандағы базарлардың бірінде ірі өрт болды, деп хабарлайды төтенше жағдайлар комитетінің баспасөз қызметі.
Өрт сөндірушілер келгенде, жеке орналасқан "Ярмарка" көтерме тауар қоймасында 30 азық-түлік дүкені жанып жатқан.
Абырой болғанда, өрт салдарынан ешкім зардап шеккен жоқ
© Photo : Комитет по ЧС
"Big Шанхай" базарындағы өрт туралы хабар 03:49 кезінде түсті. Тілсіз жау 04:35-те ауыздықталып, 05:08-де толығымен сөндірілген.
Тағы оқыңыз: Нұр-Сұлтанның аспанын қою қара түтін басты - өрттің видеосы
Төтенше жағдайлар комитетінің мәліметінше, өрт аумағы 500 шаршы метр болды. Қаза тапқандар мен зардап шеккендер жоқ.
Алапат өрт кезінде қоймадағы 30 дүкеннің түгі қалмай жанып кетті
© Photo : Комитет по ЧС
Өртті сөндіруге жеке құрамнан 44 адам мен елордалық төтенше жағдайлар департаментінің 12 көлігі жұмылдырылды.
