Оқиға

"Арамызда кикілжің болды": Алматыда белгілі шоумен соққыға жығылды

© Sputnik / Табылды КадырбековКулак, иллюстративное фото
Кулак, иллюстративное фото - Sputnik Қазақстан
Жазылу
НовостиTelegram
Ұрып-соққандардың бірі анықталды, тағы екеуі құқық қорғау органдарынан жасырынып жүр

АЛМАТЫ, 5 тамыз — Sputnik. Алматыда белгілі шоумен Антон Вороширинді өз пәтерінде таныстары соққыға жығып кетті. Күдіктілер оның құрбысын да ұрып-соққан.

Шоуменнің айтуынша, бірінші тамызда таныс әйел хабарласып, кездескісі келеді. Алайда ол Ворошириннің үйіне жалғыз келмеген.

"Арамызда кикілжің болған құрбысын ертіп келіпті. Қасында бейтаныс жігіт бар еді", - деді шоумен Sputnik Қазақстан тілшісіне телефон арқылы.

Екатерина Антонға "мені жамандадың" деп кінә артып, қоқан-лоққы көрсетеді. Ақыры үшеуі шоуменнің үйінің астаң-кестеңін шығарып, құрбысы Дарьяны шақыруға мәжбүрлейді. Дарья келген соң, Антон екеуін күштеп, Екатеринаға алты миллион қарыз екені туралы қолхат жазғызып алған.

"Содан соң бізді ұрып-соқты. Органдарға хабарласақ, бізден және жақындарымыздан өш алатындарын айтты. Телефонымыз бен жеке куәлігімізді алып кетті", - дейді Вороширин.

Ворошириннің құрбысы Дарьяның жағы шығып, тістері сынған.

Тағы оқыңыз: Алматыда үйіне келген әйел жатын бөлмеде балтамен жүрген қаскөйдің үстінен түсті

Шоумен полиция бөліміне шағым түсіріп, медициналық анықтама алды. Қаланың полиция департаменті баспасөз қызметі айтқандай, қазір Қылмыстық кодекстің 389-бабы "Өзінше билік ету" бойынша сотқа дейінгі тергеу жүргізіліп жатыр.

"Күдіктілердің бірі анықталып, қылмыстық жауапкершілікке тартылды. Тағы екеуі – ер мен әйел іздестіріп жатыр, олар тергеуден әдейі қашып жүр", - деп атап өтті баспасөз қызметі.

Олардың кінәсі дәлелденсе, үш жылға дейін бас бостандығы шектелуі немесе сонша мерзімге бас бостандығынан айырылуы мүмкін.

Жаңалықтар
0