НҰР-СҰЛТАН, 4 тамыз — Sputnik. АҚШ-тың Техас штатындағы Эль-Пасо қаласында сауда орталығында болған атыс салдарынан жиырма адам қаза тауып, жиырма алты адам зардап шекті.
"Техас штатындағы Эль-Пасода жантүршігерлік атыс болды. Суыт хабар жетті, қаза тапқандар көп. Мемлекеттік және жергілікті билік органдарымен, құқық қорғау органдарымен жұмыс істеп жатырмыз. Губернаторға федералды үкіметтің толыққанды қолдау көрсететінін айттым. Құдай жар болсын!", – деп АҚШ президенті Дональд Трамп Твиттерде көңіл айтты.
CNN хабарлағандай, жергілікті уақыт бойынша 3 тамызда Эль-Пасо қаласындағы сауда орталығында белгісіз ер адам тұрғындарға оқ жаудырған. БАҚ мәліметінше, ол – 21 жастағы ақ нәсілді жігіт. Аты – Патрик Крузиус деген болжам бар, АК-47 сияқты қару ұстаған болуы мүмкін.
At least 20 people were killed in the El Paso, Texas, shooting, Gov. Greg Abbott says. At least 26 others were wounded. https://t.co/j2ihD6Eslh pic.twitter.com/yqss1PrKSS
— CNN (@CNN) 3 августа 2019 г.
Шабуыл жасардың алдында күдікті әлеуметтік желідегі парақшасында экстремистік сипаттағы хабарлама қалдырып, автомат ұстап түскен.
Қазақстанның сыртқы істер министрлігі хабарлағандай, қаза тапқандар мен зардап шеккендер арасында республика азаматтары жоқ.
Техастағы қырғыннан кейін арада бірнеше сағат өткенде, Огайода да дәл осындай оқиға қайталанды. Дейтон қаласындағы супермаркеттегі атыс салдарынан он адам қаза тауып, он алты адам зардап шекті, деп хабарлайды жергілікті полиция.
BREAKING: Dayton police confirm 10 people dead in Oregon District shooting in Dayton, including the alleged shooter, who used a long gun. No info on suspect or victims released. 16 others taken to local hospitals, extent of injuries unknown. @WDTN #oregondistrict pic.twitter.com/xpEdE96WfI
— Kristen Eskow (@KristenEskow) 4 августа 2019 г.
Мәлімет бойынша, қаза тапқан оныншы – адам шабуыл жасаған қылмыскердің өзі.
Америкалық БАҚ екі атқыш болуы мүмкін екенін жазып жатыр. Біреуін полиция атып өлтірген, екіншісі оқиға орнынан көлікпен қашып кетті-міс.
