НҰР-СҰЛТАН, 7 шілде – Sputnik. Қазақстан президенті Қасым-Жомарт Тоқаев мектеп бағдарламасына домбыра үйрену сабағын енгізу қажет екенін айтты, деп хабарлайды Sputnik Қазақстан.
Бұл туралы мемлекет басшысы твиттердегі аккаунтында жазды.
Президент елордадағы "Қазақ елі" алаңына барып, Ұлттық домбыра күніне мерекелік шараны тамашалаған.
Бүгін «Қазақ елі» алаңына барып, Ұлттық домбыра күніне арналған мерекелік шараға қатыстым. Бұл мейрам – барша халқымыздың ұлт руханиятына деген зор құрметі. Күллі әлем мойындаған мәдени құндылығымыз – домбыра күні құтты болсын! pic.twitter.com/akWQWYDvN2
— Qasym-Jomart Toqayev (@TokayevKZ) 7 июля 2019 г.
"Бұл мейрам – барша халқымыздың ұлт руханиятына деген зор құрметі. Күллі әлем мойындаған мәдени құндылығымыз – домбыра күні құтты болсын!", - деп жазды Тоқаев.
Сондай-ақ, ол мектептерде домбыра үйрену сабағын енгізуге қатысты пікір білдірді.
Домбыра сабақтарын мектептерге енгізу қажет. Ұлттық құндылықтарымызды жастарымыздың санасына сіңіріп, насихаттау өте маңызды. pic.twitter.com/Dss7tD9xw2
— Qasym-Jomart Toqayev (@TokayevKZ) 7 июля 2019 г.
"Домбыра сабақтарын мектептерге енгізу қажет. Ұлттық құндылықтарымызды жастарымыздың санасына сіңіріп, насихаттау өте маңызды", - деді мемлекет басшысы.
Біз қазақтың дәстүрлі әнін, күйін әлем жұртшылығына танытып жүрген өнерпаздарымызға қолдау көрсетеміз. Олар – халқымыздың ұлттық болмысын сақтау үшін еңбек етіп жүрген өнер тарландары. pic.twitter.com/NSEFF094Z8
— Qasym-Jomart Toqayev (@TokayevKZ) 7 июля 2019 г.
Айта кетсек, бүгін Қазақстанда Ұлттық домбыра күні аталып өтіп жатыр. Бұл дата былтыр Қазақстанның тұңғыш президенті Нұрсұлтан Назарбаевтың бастамасымен бекітілген болатын. Мейрам шілденің бірінші жексенбісінде тойланады.
