НҰР-СҰЛТАН, 6 шілде – Sputnik. Қазақстандық боксшы Жанқош Тұраров (23-0, 16 КО) аргентиналық Мауро Максимилиано Годойды (31-4-1, 16 КО) айқын басымдықпен ұтып, кәсіпқой бокстағы 24-ші жеңісіне қол жеткізді, деп хабарлайды Sputnik Қазақстан тілшісі.
Елордадағы "Барыс Арена" спорт кешенінде өткен бокс кешінде жартылай орта салмақта сынға түсетін Жанқош Тұраров аргентиналық боксшыға қарсы қолғап түйістірді. Бұл жолы WBO Inter-Continental титулы сарапқа салынды.
Посмотреть эту публикацию в Instagram
Жекпе-жек 10 раундқа жоспарланғанмен, отандасымыз қарсыласын 3 раундта нокдаунға жіберді. Осыдан кейін аргентиналық боксшы жекпе-жекті жалғыстырудан бас тартты.
Осылайша, Тұраров WBO Inter-Continental чемпиондық белбеуіне ие болды.
Посмотреть эту публикацию в Instagram
Бұған дейін Жанқош Тұраров ганалық боксшы Ричмонд Джарбенгпен (29-3-1, 23 КО) жұдырықтасып, оны айқын басымдықпен ұтқан болатын.
Conclusion to round 3 as Zhankosh Turarov (24-0, 17 KO's) stops Mauro Maximiliano Godoy (31-5-1) to claim the vacant WBO Inter-Continental Welterweight Title. #MTKKazakhstan pic.twitter.com/VTdm3KTh5L
— Tim - Boxeo Boxen бокс 拳闘 Boksing มวย Boks 拳击 (@Hock1717) 6 июля 2019 г.
Айта кетсек, "Барыс Аренада" өткен бокс кешінде қазақстандық Сұлтан Зауырбек грузиялық Георгий Гачечиладзені техникалық нокаутпен жеңді.
